Алматы полициясы 4 желтоқсан кешінде конвой көлігінен қашып кеткен ер адамның аты-жөнін және белгілерін жария етті, деп хабарлайды Ulysmedia.kz.
«Күдікті – 1996 жылы туған Аубакри К.Е. Бойы 165-170 см, дене бітімі арық, шашы қара, көзі қоңыр. Ерекше белгісі – мұрны қисайған.
Аубакридің қайда екенін білетіндерден төмендегі телефондар арқылы хабарласуды сұраймыз: 8 (701) 758 67 60; 8 (778) 158 54 44; 254 40 42 немесе 102», – деп үндеу жасады полиция.
Қашқын ұрлық ісі бойынша күдікті ретінде тергеліп жатқан.
«Қазіргі уақытта конвой көлігінен қашқан, бөтеннің мүлкін ұрлау ісі бойынша айыпталушыны ұстауға бағытталған жедел-іздестіру іс-шаралары жүргізілуде», – деп хабарлады Алматы полициясы.
Оқиғаның барлық мән-жайын анықтау үшін қызметтік тексеру басталған. Полиция айыпталушының қашып кетуіне жол берген жауаптылардың қатаң жауапкершілікке тартылатынын мәлімдеді.
