Бүгінгі таңға қарай халықаралық нарықтарда шикізат тауарларының бағасы төмендегені байқалады, ал Қазақстандағы айырбастау пункттерінде доллар бағамы өсіп жатыр, деп хабарлайды Ulysmedia.kz.
МҰНАЙ
Brent маркалы мұнайдың бағасы 0,11%-ға төмендеп, бір баррелі 73,83 долларды құрады. Ал WTI маркалы мұнай фьючерстері 0,74%-ға арзандап, бір баррелі 70,19 долларға тең болды.
АЛТЫН
Алтын бағасы өсті. Алтын фьючерстерінің құны 0,20%-ға қымбаттап, бір унциясы 2 654,26 долларды құрады. Бұл нақты уақыттағы көрсеткіштер (9:00, 17 желтоқсан жағдайы бойынша).
ДОЛЛАР
Қазақстанның валюта нарығында белсенділік байқалады. Алматыдағы айырбастау пункттерінде АҚШ долларын орташа есеппен 523 теңгеге сатып алып, 526,7 теңгеге сатып жатыр. Ал Астанада, долларды 520 теңгеге сатып алып, 527 теңгеге сатуда.
ДОЛЛАРДЫҢ ҚЫМБАТТАУЫ
28 қарашадағы Қазақстанның айырбастау пункттерінде валюталардың орташа өлшенген бағамы белгілі болды. Доллар 525 теңгеге сатыла бастады. 18 қарашада Қазақстанның айырбастаушыларындағы доллар бағасы 500 теңгеден, ал 26 қарашада 503 теңгеден асқан еді.
Ұлттық банк осыған байланысты интервенция жүргізді.
Артынша Ұлттық банк базалық мөлшерлемені +/- 1 п.т. дәлізімен жылдық 15,25% деңгейінде белгілеу туралы шешім қабылдады.
