Ресей президенті Владимир Путин Сириядағы жағдайға байланысты ойын айтты, деп хабарлайды Ulysmedia.kz.
ПУТИН НЕ ДЕЙДІ
Жылды қорытындылаған отырыста Путин Сириядағы ахуалға тоқталды.
– Сириядағы жағдайды біреулер Ресейдің жеңілісі ретінде көрсеткісі келеді. Олай емес. Себебін түсіндірейін. Біз жағдайды бақылайтын барлық топпен, аймақтың барлық елдерімен қарым-қатынасты сақтаймыз. Олардың басым көпшілігі бізге Сириядағы әскери базаларымыздың қалуына мүдделі болатынын айтады. Білмеймін, біз мұны ойласуымыз керек, өйткені біз өзіміз үшін қазір осы елдегі жағдайды бақылайтын саяси күштермен қарым-қатынасымызды қалай шешетінімізді шешуіміз керек. Біздің мүдделеріміз тоғысуы тиіс. Егер біз сонда қалсақ, онда біз тұрған елдің мүддесі үшін бірдеңе істеуіміз керек. Мүдделер қандай болады, біз олар үшін не істей аламыз – бұл екі жақтан да мұқият зерттеуді күтіп тұрған мәселе, – дейді ол.
Путиннің сөзінше, Ресей қазір Таяу Шығыстағы базаларын пайдалана отырып, Сирияға гуманитарлық көмек жеткізу үшін Хмеймим авиациялық базасын пайдалануды ұсынған.
АСАДТЫҢ ҚАШУЫ
Еске салсақ, бұған дейін Сириядағы қарулы оппозицияның қолбасшылығы әйелдердің еркін киіну құқығын жариялаған болатын. Ал Ресей Сыртқы істер министрлігі Башар Асад президенттіктен кеткенін мәлімдеді.
Сондай-ақ бұған дейін Сирия президенті Башар Асад ұшақ апатынан ажал құшқан болуы мүмкін екені айтыла бастады. Оның ұшағы кенеттен радардан жоғалып кеткен болатын. Кейін оның Ресейге қашқаны белгілі болды.
