Роза Зерлерлі Ақтау маңындағы ұшақ апатынан кейін Қазақстанда жоспарланған концертін өткізбейтін болды, деп хабарлайды Ulysmedia.kz.
ӘНШІ НЕ ДЕЙДІ
– Бұл Әзербайжан ғана емес, Қазақстан үшін де, Грузия, Қырғызстан, Ресей үшін де үлкен трагедия. Бәріміз ортақ қайғымен бетпе-бет келдік. Мен қазір Қазір Қазақстандамын. Концерттер турымен осында жүргенбіз. Бұған дейінгі Қазақстандағы концертіме 2,5 мыңдай адам жиналған еді. Өкінішке қарай олардың алдында болған оқиғаны естігеннен кейін шыға алмадым. Концертте бір минут үнсіздік жасадым да, бәрімен фотосуретке түсіп қайттым. Гүл шоғын сыйлаған бір адам маған “дұрыс істедіңіз, қайғымыз ортақ” деді. Мен туғандарынан айырылған отбасыларға көңіл айтқым келеді. Мен бәріңіздің қайғыларыңызды түсінемін, – деді Роза Зергерлі.
АҚТАУ МАҢЫНДАҒЫ АПАТ
25 желтоқсан күні Ақтау қаласының маңында Azerbaijan Airlines әуекомпаниясының Бакуден Грозныйға бағыт алған жолаушылар ұшағы апатқа ұшырап, 38 адам қаза тапты.
Бортта 5 экипаж мүшесін қоса алғанда 67 адам болған. Жолаушылардың 6-ауы Қазақстан, 42-сі Әзербайжан, 3-еуі Қырғызстан, 16-сы Ресей азаматы.
29 адам жарақат алып, ауруханаға жатқызылды, олардың арасында екі бала бар. Апаттан аман қалғандар арасында қазақстандықтар жоқ.
Төтенше жағдайлар министрлігі Ақтау маңындағы ұшақ апаты кезінде қаза тапқан қазақстандықтардың тізімін жариялады.
Ұшақ апатына байланысты қылмыстық іс ашылып, қайғылы оқиғаның себеп-салдарын тексеру үшін Үкіметтік комиссия құрылды.
