Әзірбайжанның Цифрлық даму және көлік министрі Рашад Набиев Ақтау облысындағы ұшақ апатына сыртқы әсерлер себеп болуы мүмкін екенін айтты, деп хабарлайды Ulysmedia.kz.
Бұл туралы әзербайжандық журналистерге ол оқиғаның мән-жайын егжей-тегжейлі зерделеу үшін оқиға орнына Қазақстанға арнайы комиссия аттанғанын жеткізді.
Комиссия мүшелері ұшақ құлаған жерді аралап, зардап шеккен жолаушылармен және аман қалған экипаж мүшелерімен кездесті. Набиев зардап шеккендер, соның ішінде Әзірбайжан мен Ресей азаматтары да Грозныйда бірнеше жарылыс болғанын растағанын атап өтті.
«Сонымен қатар бортсеріктердің бірі қолынан жарақат алғаны белгілі болды, ұшақтың қанатында саңылаулар табылды, фюзеляжда ұшқындардың іздері табылды», - деді Нәбиев.
Жолаушылар ұшақ соғылғанға дейін ұшақ сыртынан үш жарылыс естігенін айтты.
Нәбиев Махачкала арқылы Ақтауға шұғыл қонуға бет алған ұшақтың ұшу траекториясының өзгеруіне де назар аударды.
Тергеу жұмыстарына қатысу және тергеу тобымен бірлесіп жұмыс істеу үшін Embraer компаниясының екі маманы Ақтауға келді.
EURONEWS: ҰШАҚТЫ РЕСЕЙ ЗЫМЫРАНЫ АТЫП ТҮСІРГЕН
Euronews бұған дейін Ақтау маңында апатқа ұшыраған ұшақ ресейлік зымыраннан атылғанын мәлімдеген еді. Басылым Әзербайжан үкіметіндегі дереккөздерге сүйеніп, апат Грозный үстінде ресейлік зымыраннан атқаннан болған деп жазады сенімді түрде. Осындай нұсқаны әлемдік БАҚ-тар да жарыса жазып жатыр.
АҚТАУ МАҢЫНДАҒЫ АПАТ
25 желтоқсан күні Ақтау қаласының маңында Azerbaijan Airlines әуекомпаниясының Бакуден Грозныйға бағыт алған жолаушылар ұшағы апатқа ұшырап, 38 адам қаза тапты.
Бортта 5 экипаж мүшесін қоса алғанда 67 адам болған. Жолаушылардың 6-ауы Қазақстан, 42-сі Әзербайжан, 3-еуі Қырғызстан, 16-сы Ресей азаматы. 29 адам жарақат алып, ауруханаға жатқызылды, олардың арасында екі бала бар. Апаттан аман қалғандар арасында қазақстандықтар жоқ. Төтенше жағдайлар министрлігі Ақтау маңындағы ұшақ апаты кезінде қаза тапқан қазақстандықтардың тізімін жариялады. Ұшақ апатына байланысты қылмыстық іс ашылып, қайғылы оқиғаның себеп-салдарын тексеру үшін Үкіметтік комиссия құрылды.
