Қазақстандағы Қытайдың жаңа елшісінің есімі Хань Чуньлинь, деп жазады Ulysmedia.kz.
Журналсит Аяу Қашағанның жазуынша, Хань Чуньлинь 1970 жылы туған. Шанхай халықараолық қатынастар (шет тілдері) университетінің түлегі, заң ғылымдарының магистрі. Ол әр жылдары Қытайдың Сыртқы сауда және экономикалық ынтымақтастық министрлігінің кадр департаментінің қызметкері, Австралиядағы Қытай елшілігінің экономикалық және коммерциялық кеңсесінің үшінші хатшысы, Сиднейдегі Қытай бас консулдығының экономикалық және коммерциялық кеңсесінің қызметкері, сауда министрлігінің кадрлар департаменті директорының орынбасары, сауда министрлігі сыртқы сауда бойынша келіссөз өкілі кеңсесінің директорының орынбасары, сауда министрлігінің монополияға қарсы бюросының бәсекелестік саясаты бөлімінің және заң бөлімінің директоры, Қытайдың Кениядағы елшілігінің экономикалық және коммерциялық кеңесшісі секілді қызметтер атқарған.
2018 жылдан кейін Шаньси провинциясы сауда департментінің директоры, провинция әкімдігінің хатшылық басқармасының жетекшісінің орынбасары, Чанчжи қалалық партия комитетінің хатшысының орынбасары, 2022 жылдың мамырынан бері Қытайдың Румыниядағы төтенше және өкілетті елшісі қызметінде болған.
