Төтенше жағдайлар министрлігі Семейдегі қайғылы оқиғадан кейін екі адам әлі табылмай жатқанын хабарлады, деп жазады Ulysmedia.kz.
ТЖМ хабарлауынша, Семейде Ертіс өзенінде іздестіру-құтқару жұмыстары барысында Қазақстан ТЖМ қызметкерлері ҚР ТЖМ 68303 әскери бөлімінің инженерлік техникасының көмегімен суға батып кеткен автокөлікті алып шыққан. Екі адамды іздестіру жұмыстарын ведомствоның 100-ден астам қызметкері жүргізіп жатыр.
ОҚИҒА ЖАЙЛЫ
Семейде жарысқан көліктің бірі көпірден ұшып кеткенін бүгін әуелі ІІМ хабарлаған еді. Көліктің ішінде төрт адам болған. Олардың бірі жағаға жүзіп шыққан. Бір адамның денесі табылған. Оқиға орнына жедел түрде полиция қызметкерлері мен құтқарушылар жіберілген. Полиция жол қозғалысы қауіпсіздігін қамтамасыз етудің маңыздылығын еске салады, азаматтарды мұндай қайғылы жағдайлардың алдын алу үшін жол қозғалысы ережелерін қатаң сақтауға шақырады.
