Алматыда ерлі-зайыптыны пәтерлерінде өлтірмек болған қарақшыға қатысты жаңа деректер белгілі болды, деп хабарлайды Ulysmedia.kz.
Алматыда полицейлер 2024 жылы 20 желтоқсанда Наурызбай ауданындағы тұрғын үй кешендерінің бірінде болған аса ауыр қылмыстың бетін ашты.
БҰҒАН ДЕЙІН
Айта кетейік, қарақшылық шабуыл әрекеті салдарынан ерлі-зайыптылар ауыр жарақат алған. Қазір олар ауруханада жатыр.
МӘН-ЖАЙ
Бұл қылмысты ашу мақсатында жедел-тергеу тобы құрылған. Шабуыл жасаған адамның кім екені анықталды. Ол Жетісу өңірінен келген 38 жастағы тұрғыны болып шыққан. Бір күн бұрын ол ұсталып, қамауға алынды.
Күдікті жақында ғана өзі барып жаңа жиһаздарын орнатып берген ерлі-зайыптыларды тонауды жоспарлағанын мойындады. Сол кезде ол жұмыс берушілердің сейфін байқап қалған. Бетін медициналық маскамен және шарфпен жауып, жұма күні таңертең зардап шеккендердің есік қоңырауын басып, үйіне кіріп алған. Жәбірленушілерді тапаншамен қорқытқан қаскөй олардан ақша беруін талап еткен. Алайда пәтер иесі көмекке шақыра бастады. Осы кезде күдікті ерлі-зайыптыларды атып, қашып кеткен, - деді Алматы қалалық ПД Криминалдық полиция басқармасының бастығы, полиция полковнигі Талант Исаев.
Бұл іс бойынша сотқа дейінгі тергеу жалғасып жатыр. Қылмыстың басқа да мән-жайлары анықталып жатыр.
