Рубль мен теңгені тікелей салыстыру – орынсыз, ал Ресейге қарсы санкциялар салынса, ол ұлттық валюта әлсірейді деген сөз емес. Бұл туралы Ұлттық банк төрағасы Тимур Сүлейменов мәлімдеді, деп хабарлайды Ulysmedia.kz.
РЕСЕЙГЕ ҚАРСЫ САНКЦИЯЛАР
Ресейге қарсы санкциялар аясында Қазақстанда банктердің ұсақ бөлшек клиенттері арасында валюта операцияларына деген сұраныс артты. Ұлттық банк өкілдерінің айтуынша, бұл халық пен шағын және орта бизнес өкілдерінің теңгенің мүмкін әлсіреуіне байланысты алаңдаушылығымен түсіндіріледі.
ТЕҢГЕГЕ ТІКЕЛЕЙ ӘСЕР БОЛМАЙДЫ
Ұлттық банк төрағасы Тимур Сүлейменов көптеген адамНың экономикалық және қаржылық талдау жүргізу дағдыларына ие еместігін атап өтіп, халық пен шағын және орта бизнес өкілдерінің Ресейге қарсы санкциялар енгізілгенде, оның теңгеге де автоматты түрде әсер етеді деген ойға келуіне таңғалды.
– Меніңше, бұл дұрыс талдау емес. Әрине, Ресей – біздің ірі экономикалық серіктесіміз. Дегенмен, олар өздерінің экономикалық жағдайында өмір сүреді. Олардың өз қаржы жүйесі, артықшылығы, кемшілігі, тәуекелі және қиындықтары бар. Бізде өз жүйеміз бар. Бізде санкцияларға ұшыраған ешқандай маңызды субъектілер жоқ, біз санкциялардан еркінбіз, қаржы нарығындағы жағдайымыз тұрақты. Біздің банк секторының, бағалы қағаздар нарығының көрсеткіштері керемет. Біз басқа экономикалық жағдайда өмір сүріп жатырмыз. Сондықтан рубль мен теңгені тікелей салыстыру – орынсыз, – деді Сүлейменов.
КӘСІПКЕРЛЕРГЕ ҮНДЕУ
Ұлттық банк төрағасы кәсіпкерлерді ойлануға шақырды, өйткені оның пікірінше, бұл сұраныс пен нарықтағы дүрбелең шамадан тыс және ақшаның жоғалуына әкелуі мүмкін.
Бұған дейін Ресейдегі инфляцияның жеделдеуі Қазақстанға қысым жасап жатқаны белгілі болған еді.
