Дүйсенбіде AIAssistant қосымшасы бар қытайлық Deep Seek стартапы ChatGPT-ті басып озып, америкалық App Store дүкеніндегі ең танымал тегін қосымшаға айналды, деп хабарлайды Ulysmedia.kz порталы Reuters-ке сілтеме жасап.
Deep Seek-v3 моделін қолданатын мобильді қосымша 10 қаңтарда іске қосылғаннан бері АҚШ-та орасан зор сұранысқа ие болды, деп хабарлайды Sensor Tower аналитикалық компаниясы.
Deep Seek-v3 моделі ашық және модельдердің ішіндегі ең жақсыларының бірі саналады, алдыңғы қатарлы жабық модельдермен бәсекеге қабілетті. Стартаптың бұл жетістігі АҚШ-тың жасанды интеллект саласындағы үстемдігін және Вашингтонның қытайлық компаниялардан бас тартуға бағытталған экспорттық шектеулерінің тиімділігін төмендетті.
Deep Seek өзінің моделін үйрету үшін NVIDIA h800 чиптерін пайдаланады, бұл компанияға алты миллион доллардан аз шығын әкелді. Бұл америкалық технологиялық көшбасшылар арасында чиптерді Қытайға экспорттауға шектеулердің қаншалықты тиімді екені турасында сұрақтар туғызды.
2023 жылы Ханчжоуда құрылған Deep Seek стартапы АҚШ-та ең жақсы америкалық технологиялармен бәсекелесу үшін танылған алғашқы қытайлық жоба болды.
