Қазақстандықтар былтыр 25 трлн теңге ақшаны банкоматтан қолма-қол шешіп алған

Бұл туралы Қазақстанның қаржыгерлер қауымдастығы хабарлады.

ҚОЛМА-ҚОЛ АҚША

Былтыр қазақстандықтар банкоматтар арқылы 25,4 трлн теңге қолма-қол ақша шығарып алған, бұл 2023 жылғы 22,9 трлн теңгемен салыстырғанда 11%-ға көп. Мамандар қолма-қол ақша ең көп шешілген үш өңірді айтты:

• Алматы – 1,4 трлн теңге
• Шымкент – 389 млрд теңге
• Жетісу облысы – 249 млрд теңге

Қазір әрбір қазақстандыққа шаққандағы қолма-қол ақша көлемі 218 мың теңге, ал 2023 жылы 184 мың теңге болған.

РЕКОРД

Сонымен қатар, сарапшылардың сөзінше, қолма-қол ақшасыз төлемдер рекордтық деңгейге жетті. Банк карталары арқылы жасалған қолма-қол ақшасыз төлемдер көлемі 165 трлн теңгеге жетті, бұл 2023 жылмен салыстырғанда 16%-ға көп. Бұл көрсеткіш елдің ЖІӨ-нің 123%-ы.

POS-ТЕРМИНАЛДАР

Сондай-ақ, POS-терминалдар саны едәуір көбейген: қазір 1000 адамға шаққанда 68 құрылғыдан келеді. 2023 жылы мың адамға 53 құрылғыдан болған.

Сарапшылардың сөзінше, бұл көрсеткіш шығындардың көбеюі және қолма-қол ақшасыз төлемдермен көп төлеумен байланысты.