Павлодарда прокурорлар қарт адамдарды азаптау фактілерін анықтады, деп хабарлайды Ulysmedia.kz.
Ақсу қаласының прокуратурасы қадағалау қызметін жүзеге асыру барысында жергілікті бюджеттен қаржыландырылатын пансионаттардың бірінде қарттарға қатыгездік көрсету фактілерін анықтады.
ҚОРҚЫНЫШТЫ ВИДЕОЛАР
Мекемеде түсірілген бейнежазбаларды зерттеу барысында қорқынышты фактілер анықталды: пансионат қызметкерлері тұрақты екі дәрменсізді ұзақ уақыт бойы қорлап, зорлық-зомбылық көрсеткен.
Жәбірленушілердің бірінің жасы - 84-те. Оларды үнемі ұрып-соғып, қолдарын бұрап, қыстың суығында сырт киімсіз аулада ұстаған.
ТЕРГЕУ
Осы факті бойынша Ақсу қаласының прокуратурасы ҚР ҚК 110-бабының 2-бөлігі бойынша сотқа дейінгі тергеп-тексеруді бастады.
Қазіргі уақытта барлық кінәлі адамдар анықталды.
ҚР ҚПК-нің 201-бабына сәйкес тергеу мүддесі үшін өзге ақпарат жария етілмейді.
