Сенбі күні кешке Жапония теңізі бойындағы елдің бірқатар бөлігіне жауған қалың қар салдарынан Жапонияда кем дегенде 106 ішкі рейс тоқтатылд, деп хабарлайды ulysmedia.kz.
tass.ru-дың мәліметінше, түнде Ниигата орталық префектурасында 90 см-ге жуық, ал Хоккайдоның солтүстік префектурасында 40 см қар жауды.Бірқатар аудандарда да екпіні секундына 35 метрге жететін қатты жел тіркелді. Билік жағалаудағы және көршілес префектуралардың тұрғындарына жазатайым оқиғаларды болдырмау үшін үйлерінен себепсіз шықпауға шақыруда.
Қолайсыз ауа райы сейсенбіге дейін сақталады деп күтілуде.
