2025 жылы Қазақстанда ұлттық бірыңғай тестілеуді (ҰБТ) өткізу мерзімдері өзгеруі мүмкін, деп хабарлайды Ulysmedia.kz.
Ғылым және жоғары білім министрлігі ҰБТ өткізу тәртібін өзгертетін түзетулер ұсынды.
НЕ ӨЗГЕРЕДІ
ҰБТ бірнеше кезең бойынша өтеді:
10 қаңтардан 10 ақпанға дейін – өткен жылдардағы мектеп түлектері, колледж студенттері, шетелден келген қазақтар үшін, сондай-ақ шекті бал жинамаған немесе басқа білім беру бағдарламаларына ауысқысы келетіндер тест тапсыра алады.
1 наурыздан 11 сәуірге дейін – дәл сол санаттағы, сондай-ақ ақылы негізде түскісі келетін қазіргі түлектер тест тапсырады.
10 мамырдан 10 шілдеге дейін – білім беру гранттары конкурсына қатысатын түлектер ҰБТ-ға қатысады.
10-20 тамыз аралығында – ҰБТ тапсырудың қосымша кезеңі өтеді.
НЕГЕ ӨЗГЕРТІП ЖАТЫР
Мерзімдерді өзгерту туралы шешім тестілеуге қатысушылар санының өсуіне байланысты қабылданған. 2025 жылы 216 929 мектеп бітіруші болады. Бұл 2024 жылмен салыстырғанда 28 684 адамға көп. Сондай-ақ, күндердің өзгеруі ҰБТ-ның мерекелермен және білім беру жүйесіндегі басқа тестілермен сәйкес келуіне байланысты.
Өткен жылы оқиға түсе алмаған мектептер мен колледждердің түлектері, ҚР азаматы емес ұлты қазақ азаматтарға ҰБТ тапсыру мүмкіндігін арттыру мақсатында қаңтар-ақпан айларында ҰБТ тапсыру мүмкіндігі беріледі, - делінген құжат мәтінінде.
Құжат 4 наурызға дейін қоғамдық талқылауға шығарылды.
