Зардап шеккендер арасында балалар мен жүкті әйелдер жоқ, деп хабарлайды Ulysmedia.kz.
ЖҮРГІЗУШІ ҚАБИНАДА ҚЫСЫЛЫП ҚАЛҒАН
Астанада №70 бағыттағы қоғамдық көлік қатысқан жол-көлік оқиғасы салдарынан 15 адам зардап шекті. Жүргізуші кабинада қысылып қалып, өздігінен шыға алмады. Құтқарушылар гидравликалық құралдардың көмегімен оны шығарып, медицина қызметкерлеріне тапсырды.
ЗАРДАП ШЕККЕНДЕР АРАСЫНДА БАЛАЛАР ЖӘНЕ ЖҮКТІ ӘЙЕЛДЕР ЖОҚ
Қалалық денсаулық сақтау басқармасының мәліметінше, қазіргі уақытта жарақат алған азаматтарға қабылдау бөлімінде медициналық тексеру жүргізілуде. Билік өкілдері зардап шеккендер арасында балалар мен жүкті әйелдер жоқ екенін атап өтті.
БАҒАНАҒА СОҒЫЛҒАН
Оқиға Астана қаласындағы Бараев көшесінде болған.
КӨЛІКТІ БАСҚАРА АЛМАЙ ҚАЛҒАН
Полицияның хабарлауынша, апат кезінде салонда шамамен 25 жолаушы болған. Жүргізуші көлікті басқара алмай, жарық бағанына соғылған.
