×
448.15
483.46
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
448.15
483.46
4.86

Қазақстан мен Ресей ортақ азық-түлік нарығын құрды

27.12.2021, 23:26
Фото: ашық дереккөз

Қазақстан мен Ресей азық-түлік тауарларының қазақстандық-ресейлік нарығын құру туралы келісімге қол қойды, деп хабарлайды ulysmedia.kz.

Сауда және интеграция министрлігінің мәліметінше, келісім азық-түлік тауарларының Қазақстан-Ресей Халықаралық нарығын құруға бағытталған және Еуразиялық тауар өткізу жүйесін қалыптастыруға ықпал ететін болады.

Құжатта екі елдің сауда-тарату желілерінің мемлекетаралық коммерциялық өзара іс-қимылын ынталандыру, сондай-ақ цифрлық, жобалық, құрылыс, логистикалық және технологиялық шешімдерді біріздендіру, сондай-ақ оларды құру және пайдалану рәсімдері негізінде кто желілерін салуды қолдау көзделген.

Келісімнің тараптары арасындағы серіктестік қарым-қатынастар, соның ішінде Ресей Федерациясының агроөнеркәсіптік кешеніндегі тауар ағындарын өндіру, сақтау, таратудан бастап соңғы тұтынушыға жеткізуге дейін қалыптастыру және жылжыту процестерін бақылау, талдау және басқару саласындағы кешенді цифрлық бағдарламалар мен қызметтерді құру мақсатында басталды.

Сондай-ақ тауар өткізу желілерінің қазақстандық және ресейлік субъектілерінің өзара іс-қимылының цифрлық біріздендірілген жүйесін құру арқылы іске асырылады.

Ынтымақтастықтың негізгі мақсаттары мынадай мәселелер бойынша ұзақ мерзімді байланыстар орнату:

- іске асырылып жатқан жобалар туралы ақпарат алмасу;

- нарықтарға, жобаларды мемлекеттік қолдау тетіктеріне жүргізілген зерттеулер туралы ақпарат алмасу;

- бірыңғай талаптарды қамтамасыз ететін, экспорттық-импорттық тауарларды сатып алу, жеткізу, төлеу процестерін оңайлатуға мүмкіндік беретін КТО көтерме-тарату орталықтарын құрудың және пайдаланудың жобалық, құрылыс, логистикалық және технологиялық шешімдері мен рәсімдерін біріздендіру үшін мемлекетаралық стандарттарды әзірлеу жөніндегі жұмысты бірлесіп жүргізу,

- тауар өткізу желілеріндегі өнім қозғалысының агротехникалық, өндірістік, логистикалық, басқарушылық, қаржылық процестерін байланыстыратын кешенді инновациялық цифрлық өнімді жасау.

Серіктес жаңалықтары