Алматы қалалық адвокаттар алқасының адвокаты Ренат Наинбаев сотталды, деп хабарлайды Ulysmedia.kz.
МӘН-ЖАЙ
Алматы қаласы Медеу аудандық сотымен Алматы қалалық адвокаттар алқасының адвокаты Ренат Наинбаев және қала тұрғындары Тұяшев, Сәкенова сотталды.
Олар бұрынғы балабақша ғимаратын тұрғын үй-жайларға заңдастыру сылтауымен мемлекеттік органдардың лауазымды адамдарына 30 млн теңгеден астам пара беруге қала тұрғындарын алаяқтық жасағаны және арандатқаны үшін кінәлі деп танылды.
СОТ ҮКІМІ
Сот үкімімен Сәкеноваға 7 жыл, Тұяшевқа – 4 жыл және Наинбаевқа - 1 жыл бас бостандығынан айыру жазасы тағайындалды.
Бұдан басқа, сотталғандар мемлекеттік қызметте және квазимемлекеттік сектор субъектілерінде қызмет атқару құқығынан өмір бойы айырылады.
Сот актісі заңды күшіне енген жоқ.
