Жаңа ипотекалық бағдарлама басталады: шарттары қандай

ҚАТЫСУШЫЛАРҒА ҚОЙЫЛАТЫН НЕГІЗГІ ТАЛАПТАР

Негізгі талаптар:

• Өтініш беруші мен оның отбасы мүшелерінің соңғы бес жыл ішінде Қазақстан Республикасында өз меншігінде тұрғын үйі болмауы керек;

• Соңғы алты ай ішінде ресми кірісі болуы қажет.

"НАУРЫЗ" БАҒДАРЛАМАСЫНЫҢ ШАРТТАРЫ

• Бастапқы жарна – 20%-дан бастап;

• Тұрғын үй кезегінде тұрған әлеуметтік осал топтар үшін мөлшерлеме – 7% (ЖТСМ – 7.3%-дан 8.9%-ға дейін);

• Қалған санаттар үшін мөлшерлеме – 9% (ЖТСМ – 9.3%-дан 11.8%-ға дейін);

• Кредит мерзімі – 19 жылға дейін;

• Максималды қарыз сомасы:

  • Алматы және Астана қалалары үшін – 36 млн теңгеге дейін;

  • Басқа өңірлер үшін – 30 млн теңгеге дейін;

• Несие сомасының 20%-ына дейін жөндеу жұмыстарына қаражат қосуға болады.

"НАУРЫЗ" БАҒДАРЛАМАСЫНА ҚАТЫСУ ҮШІН НЕ ҚАЖЕТ

• Міндетті талап – Отбасы банкінде депозиттің болуы. Депозитті өтінім беру алдында ашуға болады;

• Депозиттегі ең төменгі сома – 2 млн теңге. Бұл сомадан аз депозиттер өтінім беруге жарамсыз.

ИПОТЕКАЛЫҚ "НАУРЫЗҒА" ҚАЛАЙ ӨТІНІМ БЕРУГЕ БОЛАДЫ

• Өтінімдер жұмыс күндері 9:00-ден 21:00-ге дейін онлайн қабылданады;

• Отбасы банкінің сайтына кіріп, Baspana Market бөлімінде авторизациядан өтіңіз;

• "Менің өтінімдерім" бөлімінде "Наурыз" бағдарламасын таңдап, "Өтінім беру" түймесін басыңыз;

• Бағдарлама шарттарымен танысып, тұрғын үй сатып алатын өңірді және өтінім беру сәтіндегі тұратын өңірді таңдаңыз;

• Шарттармен келісіп, "Жалғастыру" түймесін басыңыз;

• Депозитті таңдап, келісіміңізді растаңыз;

• Телефон нөміріңізге келген SMS кодты енгізіңіз;

• Жеке мәліметтеріңізді тексеріп, растаңыз;

• Мемлекеттік базалар арқылы өтініш беруші мен жұбайының меншік құқығы тексеріледі;

• Банк тарапынан тұрғын үйге тексеріс жүргізіледі (үш жұмыс күнге дейін созылуы мүмкін);

• Сәтті тексерістен кейін "Растау" түймесін басыңыз;

• Электрондық цифрлық қолтаңба арқылы өтінімді растаңыз. Өтінім қабылданды.

КІМДЕР ӨТІНІМ БЕРЕ АЛАДЫ

• Тұрғын үй кезегінде тұрған әлеуметтік осал топтар;

• Жұмыс істейтін жастар;

• Жас отбасылар;

• Тұрғын үй төлемдерін алушылар;

• Отбасы банкінің салымшылары;

• Моноқалалар, аудандық орталықтар мен ауылдық елді мекен тұрғындары.