Дәулет Тұрлыханов Азия күрес одағының президенті қызметінен кетті, деп хабарлайды Ulysmedia.kz.
Азия күрес одағының жаңа президентін сайлау Иорданияда өтті. Дауыс беруге 38 ұлттық күрес федерациясының өкілдері қатысты.
Ұйымның жаңа басшысы болып иорданиялық Мохаммед Әл-Авамала сайланды. Ол бұл қызметті 2028 жылға дейін атқарады.
Дәулет Тұрлыханов – кеңестік және қазақстандық грек-рим күресінің балуаны және жаттықтырушысы, Қазақстан Мәжілісінің депутаты. КСРО-ның еңбек сіңірген спорт шебері, Қазақстан Республикасының еңбек сіңірген жаттықтырушысы.
