Қаржы саласының маманы Расул Рысмамбетов АҚШ президенті Дональд Трамптың жаңа сауда саясатын түсіндіріп, пікір білдірді, деп хабарлайды Ulysmedia.kz.
Еске салсақ, АҚШ жаңа сауда саясаты аясында бірнеше елдерден, соның ішінде Қазақстаннан келетін тауарларға 27%-дық салық енгізеді.
Бұл бастаманың мәні – өзара тарифтер енгізу. Трамптың пікірінше, егер қандай да бір мемлекет америкалық тауарларға салық салып немесе өз өндірушілеріне артықшылықтар берсе, АҚШ жауап ретінде сол елдердің экспортына қарсы сәйкес салықтар қояды.
Менің ойымша, мұндай «салықтық бомба» Қазақстан үшін де белгілі бір дәрежеде пайдалы болуы мүмкін. Біз тасымал тізбектеріне кіріп көруге тырысуымыз керек. Біз тәуелсіздік алған кезде әлемде билік үлестіріліп қойған болатын. Енді үмітім бар, месье Трамп кейбір одақтар мен альянстарды бұзып жіберуі мүмкін. Демек, біз де осы мүмкіндікті пайдаланып, енді кірісіп кетуіміз мүмкін. Жалпы, трагедия көріп тұрған жоқпын. Елмен көрген улы той. 180-нен астам елге салық салынуы мүмкін, – деп жазды Рысмамбетов (автордың орфографиясы мен тыныс белгілері сақталған).
Бұған дейін аналитик Ұлттық қордың қаржысы туралы да пікір білдірген болатын. Рысмамбетовтың болжамы бойынша, 2025 жылы мемлекеттік қаражаттың алынуы 5-6 трлн емес, 7-8 трлн теңгеге дейін жетуі мүмкін.
