АҚШ президенті Дональд Трамп Қытайдың Америка Құрама Штаттарына қарсы жауап ретінде енгізген баж салығы қате шешім екенін мәлімдеді, деп хабарлайды Ulysmedia.kz.
Бұл туралы ол Truth Social әлеуметтік желісінде жазды.
"Қытайлар дұрыс ойнамады, олар дүрбелеңге түсті – бұл олар істемеуі тиіс жалғыз нәрсе", – деп жазды АҚШ президенті.
ҚЫТАЙ 34% КЕДЕНДІК БАЖ САЛЫҒЫН ЕНГІЗДІ
Бұған дейін Қытай билігі АҚШ-тан әкелінетін тауарларға 34% көлемінде баж салығын енгізетінін жариялады. Бұл шешім АҚШ үкіметінің дәл осындай қадам жасауынан кейін қабылданды. ҚХР Қаржы министрлігінің мәліметінше, жаңа баж салығы 10 сәуірден бастап күшіне енеді.
2 сәуірде АҚШ президенті Дональд Трамп Қытайдан әкелінетін тауарларға қосымша 34% баж салығын енгізетінін мәлімдеген болатын. Сарапшылардың пікірінше, бұл әрекет Вашингтон мен Пекин арасындағы сауда соғысын одан әрі өршіте түсуі мүмкін.
АҚШ Трамптың жаңа сауда саясаты шеңберінде Қазақстаннан әкелінетін тауарларға 27% мөлшерінде баж салығын енгізген.
Жаңартылған тізімге АҚШ-тың жаңа сауда шектеулерін ескеруі тиіс ондаған мемлекет енген. Ең жоғары тарифтер Камбоджаға (49%), Мадагаскарға (47%), Вьетнамға (46%), Шри-Ланкаға (44%) және Мьянмаға (44%) белгіленген. Қазақстан үшін бұл көрсеткіш – 27%.
Сонымен қатар, жаңа тарифтер АҚШ-тың ірі сауда серіктестеріне де әсер етті. Атап айтқанда, Қытайға (34%), Үндістанға (26%), Оңтүстік Кореяға (25%), Таиландқа (36%), Еуропалық одаққа (20%) және Швейцарияға (31%) жаңа баж салығы енгізілді.
Қаржы саласының маманы Расул Рысмамбетов АҚШ президенті Дональд Трамптың жаңа сауда саясатын түсіндіріп, пікір білдірген.
