Салық кодексіне енгізілетін түзетулерді талқылауға арналған дөңгелек үстел барысында қаржы вице-министрі Ержан Біржанов әлеуметтік жәрдемақыларды есептеудің жаңа тәртібіне қатысты пікір білдірді, деп хабарлайды Ulysmedia.kz.
Толығырақ
Ержан Біржанов Еңбек министрлігінің мемлекеттік әлеуметтік жәрдемақыларға қатысты жаңа тәсілін әділ деп есептейді.
– Кейбір азаматтарға бұл қаржы шынымен де көп мөлшерде керек болуы мүмкін. Сондықтан нақты азаматтарға қаражат беруді қамтамасыз ету, шын мәнінде мұқтаж адамдарға көрсетілетін көмектің көлемін арттыру және оның тиімді жұмсалуын бақылау үшін тиісті механизм енгізіліп отыр, – деп түсіндірді ол.
Қаржы министрлігі өкілінің айтуынша, ауқатты әлеуметтік топтарға жататын көпбалалы отбасылар мен жеңілдікті санаттағы басқа да азаматтарға берілмейтін қаражат әлеуметтік төлемдерге мұқтаж адамдар арасында қайта бөлінеді.
– Егер адамның қымбат мүлкі, мысалы, үлкен коттеджі, бірнеше автокөлігі немесе басқа да активтері болса, мемлекеттік көмектің кейбір түрлерін алу құқығы қайта қаралуы мүмкін, – деп еске салды Біржанов.
Контекст
Қазақстандық әйелдер Еңбек министрлігінің бұл шешіміне наразылық білдірді.
Олардың пікірінше, жаңа ережелер отбасы құндылықтары мен демографияға қарсы бағытталған. Дегенмен бұл нормалардың талқыланып келе жатқанына біраз уақыт болғанын атап өткен жөн.
