«Қазақстан темір жолының» 25%$ ІРО-ға шығарылады, деп хабарлайды Ulysmedia.kz.
Үкімет басшысы Олжас Бектеновтің депутаттарға берген жауабында «ҚТЖ» ҰК» АҚ-ның IPO-ға шығуы бойынша жұмыс жүргізіліп жатқанын хабарлады.
Соның шеңберінде басқа ұлттық компаниялардың IPO-сына ұқсас 25%дан аспайтын көлемде акцияларды сату болжанады. Осылайша, ұлттық оператор акцияларының бақылау пакеті «Самұрық-Қазына» ҰӘҚ» АҚ-да сақталады. Осыған байланысты «ҚТЖ» ҰК» АҚ-дан магистралдық теміржол желісін шығару орынсыз болып көрінеді, – делінген Бектеновтің жауабы.
ҚТЖ
"Қазақстан темір жолы" ұлттық компаниясы – елдегі ең ірі инфрақұрылымдық, көлік-логистика саласындағы компания. Мемлекет меншігіндегі бұл компания Қазақстанның кең байтақ аумағын теміржол желілерімен біріктіріп қана қоймай, Еуропа мен Азия арасындағы басты транзиттік дәліз рөлін атқарады. ҚТЖ – тек жүк пен жолаушы тасымалына жауапты оператор емес. Ол – мыңдаған шақырым теміржол желісін басқарып отырған жүйе. Компанияға қарасты ондаған еншілес ұйымдар жүк вагондарын жасақтайды, локомотивтерді жөндейді, логистикалық хабтар мен қоймалар жұмысын үйлестіреді.
