1 маусымнан бастап: Қазавтожол маңызды ескерту жасады

МӘН-ЖАЙ

«ҚазАвтоЖол» ұлттық компаниясы жаз мезгілінде республикалық маңызы бар автожолдарда ауыр жүк көліктерінің қозғалысына уақытша шектеулер енгізілетінін хабарлайды. Бұл шаралар күннің ыстығында жол жамылғысын сақтауға және қауіпсіз қозғалысты қамтамасыз етуге бағытталған.

ШЕКТЕУ МЕРЗІМІ

- еліміздің оңтүстік және батыс өңірлерінде 1 маусымнан 31 тамызға дейін;

- солтүстік және шығыс өңірлерінде 1 маусымнан 15 тамызға дейін.

Шектеулер +25°C жоғары ауа температурасы кезінде, күндізгі уақытта енгізіледі.

ӨҢІРЛЕР

1 маусымнан 31 тамызға дейін сағат 10:00-22:00 аралығында келесі аймақтарда қозғалысқа шектеу қойылады:

- Алматы облысы;

- Атырау облысы;

- Жамбыл облысы;

- Жетісу облысы;

- Ұлытау облысы;

- Қарағанды облысы;

- Қызылорда облысы;

- Түркістан облысы;

- Маңғыстау облысы.

1 маусымнан 15 тамызға дейін сағат 11:00-21:00 аралығында келесі аймақтарда қозғалысқа шектеу қойылады:

- Абай облысы;

- Ақмола облысы;

- Ақтөбе облысы;

- Шығыс Қазақстан облысы;

- Батыс Қазақстан облысы;

- Қарағанды облысы;

- Қостанай облысы;

- Павлодар облысы;

- Солтүстік Қазақстан облысы.

ШЕКТЕУ НЕ ҮШІН ҚОЙЫЛАДЫ

Шектеулер жол жамылғысын қорғау мақсатында енгізіледі.

Жоғары температурада асфальт жамылғысы жұмсарып, ауыр жүктемеге төтеп бере алмайды. Бұл жол жабынының бұзылуына, ойықтар мен ақаулардың пайда болуына алып келеді.

Жазғы шектеулерді сақтау:

- жолдардың қызмет ету мерзімін ұзартады;

- жөндеу шығындарын азайтады;

- жол қозғалысы қауіпсіздігін қамтамасыз етеді.