×
$
444.16
€
487.29
₽
5.4
#қаңтар қақтығысы #Украинадағы соғыс #жемқорлық #тағайындау
$
444.16
€
487.29
₽
5.4

Алматыда денесіне 3 оқ тиген жалғызбасты ана ауыр халде жатыр

15.01.2022, 15:01
Алматыда денесіне 3 оқ тиген жалғызбасты ана ауыр халде жатыр
Фото: Ашық дереккөзден

Үш баланы жалғыз тәрбиелеп отырған, 30 жастағы Шолпан Бегайдарова Алматыда тәртіпсіздік кезінде ауыр жарақат алды, деп хабарлайды ulysmedia.kz.

Оқиға 6 қаңтарда тіркелген. Шолпанның айтуынша, өзі Гоголь-Фурманов көшесінің қиылысындағы дәріханаға шыққан. Балалары үшін дәрі сатып алуды ойлаған. Алайда белгісіз біреулер оның көлігін оқ жаудыртқан. Әйелге 3 оқ тиген.

«Балаларыма дәрі-дәрмек алайын деп шығып едім. Фурмановпен құлдилап келе жатқанда маған біреулер оқ жаудыртты», - дейді ол.

Бүгінге дейін Шолпанға бірнеше рет ота жасалыпты. Бір оқ тіпті денесінен өтіп кеткен. Өзі қалалық ауруханада жатыр. Жақында ғана есін жиыпты.

«Үш балам бар. Жалғызбасты адаммын. БСМП-да жатырмын. Жақында ғана есімді жидым. Бір оқ тіпті денемді тесіп өтіп кетті», - дейді Шолпан.

Шолпанға көмектесем дегендер мына рекизит арқылы ақша аудара алады:

  • KASPI GOLD : 5169 4971 8882 4860
  • +7 778 028 2828
  • SHOLPAN BEGAJDAROVA

Естеріңізге сала кетейік, Алматыдағы тәртіпсіздік кезінде белсенді Нұрәлия Айтқұлова мен азық-түлік дүкенінің иесі Алмас Ғарифуллиннің қазасы туралы бұған дейін хабарлаған болатынбыз. Алматы полиция департаменті қаладағы тәртіпсіздіктер кезінде 22 адамның із-түссіз жоғалып кеткенін, оның 15-і ғана табылғанын хабарласа, волонтерлік ұйымдар қалада із-түзсіз жоғалғандарды іздеуге өтініштер саны бір жылдың көрсеткішінен асып кеткенін айтады.

Билік Алматыдағы қаңтар оқиға кезінде қаза тапқандар мен зардап шеккен бейбіт тұрғындар туралы ақпаратты әлі жарияламады.

 

Сізге қызық болуы мүмкін