Қазақстанда бетті тұмшалайтын киімдерге тыйым салынуы мүмкін

ҰСЫНЫС

Сенатта дәл осындай заңнамалық өзгерістер ұсынылды. Ұсынылған түзетуге сәйкес, қоғамдық орындарда адамның бет-жүзін тануға кедергі жасайтын киім киюге тыйым салынады. Дегенмен, бұл талаптан келесі жағдайлар босатылады:

•  Қазақстан заңнамасының талаптарын орындау қажет болғанда;
• қызметтік (лауазымдық немесе еңбек) міндеттерді атқару барысында;
• медициналық себептермен;
• азаматтық қорғаныс мақсатында;
• ауа райының жағдайына байланысты;
• спорттық, спорттық-бұқаралық және мәдени-бұқаралық іс-шараларға тікелей қатысатын адамдар үшін.

– Адамның бет-жүзін тануға кедергі келтіретін киімдерді пайдалану арқылы жасалатын құқықбұзушылықтардың алдын алу үшін осындай ұсыныс енгізіліп отыр, – деді сенатор Наурызбай Байқадамов.

ТАЛҚЫЛАНҒАН ТАҚЫРЫП

2024 жылдың соңында Қазақстан мұсылмандары діни басқармасы (ҚМДБ) қоғамдық орындарда никаб киюге тыйым салу бастамасын қолдайтынын мәлімдеген болатын. Бұл мәселе ел ішінде бұрыннан бері пікірталас тудырып келеді.

ШВЕЙЦАРИЯ

Айта кетейік, биыл 1 қаңтардан бастап Швейцарияда "паранжаға тыйым" деп аталатын заң күшіне енген болатын. 

ТӘЖІКСТАН

Сонымен қатар, былтыр Тәжікстан парламенті «Тәжікстан Республикасындағы салт-дәстүрлерді, мерекелер мен әдет-ғұрыптарды реттеу туралы» заңға түзетулер енгізіп, «ұлттық мәдениетке қайшы» деп аталатын киімдерді киюге тыйым салды. 

РЕСЕЙ

Ал Ресейде никаб кигендерге 10 мың рубль айыппұл салынуы мүмкін.