Біріккен ұлттар ұйымының еркінен тыс қамаулар жөніндегі жұмыс тобы 2014 жылы Гүлнара Кәрімованың қамауға алынуы заңсыз болғанын және бұл процесс кезінде оның құқықтары өрескел бұзылғанын мәлімдеді, деп хабарлайды Ulysmedia.kz.
ТОЛЫҒЫРАҚ
Жарияланған құжатта Өзбекстанның тұңғыш президентінің қызы ордерсіз үйқамаққа алынып, оқшауланған күйде, тиісті сот рәсімдерінсіз ұсталғаны көрсетілген. Тіпті сот отырыстарының бірі оның үйіндегі ас бөлмеде өткен.
БҰҰ бұл жағдайды Адам құқықтарының жалпыға бірдей декларациясы мен Азаматтық және саяси құқықтар туралы халықаралық пактінің талаптарына қайшы деп тапты. Өзбекстан бұл тұжырымдармен келіспейтінін білдіргенімен, БҰҰ моральдық зиянның өтелуін және бейтарап тергеу жүргізілуін талап етуде.
КАРИМОВА
Айта кетейік, Кәрімова халықаралық ауқымдағы қылмыстық істер бойынша айыпталушылар тізімінде қалып отыр. Оған телекоммуникациялық компаниялардан алынған жүздеген миллион долларды жымқыру және заңсыз жолмен ақшаны айналымға енгізу секілді кең ауқымды сыбайлас жемқорлық схемалары бойынша айып тағылған. Өзбекстан Бас прокуратурасы оның әрекетінен келген шығын көлемін 1,6 миллиард доллардан асады деп бағалаған.
Бір кездері Гүлнара Кәрімова Өзбекстандағы ең танымал әрі көп талқыланатын тұлғалардың бірі болған. Елдің тұңғыш президенті Ислам Кәрімовтің қызы дипломатия, шоу-бизнес және сән саласының тоғысындағы мансап жолын қалыптастырды. Googoosha лақап атымен ән айтып, GULI брендін ашты, Милан мен Нью-Йоркте сән көрсетілімдерін өткізді және Жерар Депардьемен шығармашылық ынтымақтастық орнатқан.
