Франция президенті Эммануэль Макрон өз елінің Палестина мемлекетінің тәуелсіздігін ресми түрде мойындайтынын жариялады. Бұл туралы ол X әлеуметтік желісінде мәлімдеді, деп хабарлайды Ulysmedia.kz.
ТОЛЫҒЫРАҚ
Макронның бұл қадамы Францияны АҚШ пен оның басты одақтастарынан ерекшелендіріп отыр. АҚШ әлі күнге дейін Палестинаны тәуелсіз мемлекет ретінде мойындаған жоқ. Сарапшылардың пікірінше, Францияның шешімі Вашингтонмен, нақтырақ айтқанда, қазіргі президент Дональд Трамппен қарым-қатынаста келіспеушілік туындатуы мүмкін.
- Франция әділ әрі ұзақ мерзімді бейбітшілікті қолдайды. Палестина мемлекетінің тәуелсіздігін мойындау — осы жолдағы маңызды қадам, — деді Макрон.
Ол сондай-ақ Францияның Израиль мен Палестина екі бөлек, бір-бірін мойындайтын мемлекет ретінде өмір сүруі тиіс деген ұстанымды қолдайтынын атап өтті.
Бұл мәлімдеме Еуроодақ елдеріне де әсер етуі мүмкін және Таяу Шығыстағы геосаяси жағдайдың жаңа кезеңіне жол ашуы ықтимал.
