Жаңбыр, жел, тұман және аптап ыстық: Қазақстанда ауа райы құбылмалы болады

ТОЛЫҒЫРАҚ

Метеорологтар таратқан хабарламаға сәйкес, республиканың батысы, солтүстік-батысы, оңтүстігі мен орталығы антициклон жотасының ықпалында болады. Сондықтан бұл өңірлерде жауын-шашынсыз ауа райы күтіледі.

Ал елдің басқа бөліктерінде циклон мен онымен байланысты атмосфералық фронттар әсерін сақтайды.

– Жаңбыр жауып, найзағай ойнайды, шығыста және оңтүстік-шығыстың таулы аудандарында нөсер жаңбыр жауады. Кейбір өңірлерде бұршақ жаууы мүмкін, – делінген Қазгидромет хабарламасында.

Сонымен қатар, еліміздің көптеген аймағында желдің күшеюі күтіледі. Шығыс пен оңтүстік-шығыста – екпінді жел соғады, ал күндіз оңтүстік-батыста шаңды дауыл соғуы мүмкін. Солтүстік пен солтүстік-батыста түнде және таңертең тұман түсуі ықтимал.

АПТАП ЫСТЫҚ

• Атырау облысында: +35…+39°C аптап ыстық;
• Маңғыстау облысында: +38…+40°C аптап ыстық;
• Батыс Қазақстан облысының оңтүстігі, батысы және орталығы: +35…+37°C.

ӨРТ ҚАУПІ

• Жоғары өрт қаупі: Абай облысы, Павлодар облысының солтүстігі, БҚО-ның батысы, Маңғыстау облысының солтүстік-шығысы;
• Төтенше өрт қаупі: Түркістан, Алматы, Жетісу облыстары; Қызылорда облысының оңтүстігі; Жамбыл облысының солтүстігі, батысы, шығысы; Атырау облысының солтүстігі, шығысы, оңтүстігі; Маңғыстау облысының батысы, орталығы, оңтүстігі; Ақтөбе, Қостанай, Қарағанды, Ұлытау және Абай облыстарының оңтүстігі мен орталығы; ШҚО-ның шығысы, батысы және орталығы.