Маңғыстау облысында мұнай-газ саласындағы миллиондаған қаржы жымқырғандар сотталды, деп хабарлайды Ulysmedia.kz.
ТОЛЫҒЫРАҚ
Өткен жылы Маңғыстау облысында мұнай-газ кәсіпорындарында тексерулер жүргізілген. Тексеру нәтижелері бойынша «West Oil Software» ЖШС қызметінде материалдық қамтамасыз ету саласындағы бұзушылықтар анықталып, сотқа дейінгі тергеп-тексерулер басталды.
ТЕРГЕУ
Тергеу аясында кәсіпорында негізгі басшылық қызметтерді атқарған 3 адам ұсталды.
СОТ ҮКІМІ
Сотпен барлық тұлғалар кінәлі деп танылып, әртүрлі жаза түрлері тағайындалды. Атап айтқанда, кәсіпорын басшыларының бірі бюджет қаражатын ұрлағаны үшін сот үкімімен кінәлі деп танылып, 3 жыл 2 айға бас бостандығынан айырылды.
Соттың қылмыстық істі мәні бойынша қаралу барысында сотталғандар 261 млн теңге көлемінде шығынды өтеген.
