АҚШ мемлекеттік хатшысы Марко Рубио C5+1 форматындағы оныншы саммитке орай АҚШ Мемлекеттік департаментінде Бенджамин Франклин атындағы залда ресми қабылдау өткізді, деп хабарлайды Ulysmedia.kz.
САММИТ ТУРАЛЫ
Кездесуге Қазақстан, Қырғызстан, Тәжікстан, Түрікменстан және Өзбекстанның сыртқы істер министрлері қатысты.
– Мен келесі жылы барлық бес елге баруды жоспарлап отырмын. Бұл бір аптаға немесе одан да ұзаққа созылатын сапар болады, – деді Марко Рубио.
Оның айтуынша, АҚШ пен Орталық Азия елдерінің ортақ мақсаттары бар — экономиканы дамыту, жаһандық нарықтарға қолжетімділікті кеңейту және табиғи ресурстарды тиімді пайдалану.
КОНТЕКСТ
Бұған дейін Қазақстан сыртқы істер министрі Ермек Көшербаев АҚШ делегациясымен кездесіп, экономика, энергетика және президент Қасым-Жомарт Тоқаевтың C5+1 саммитіне қатысуын талқылаған болатын.
