Ақсайдағы KKC-Sicim мұнай компаниясының жұмысшылары ереуілді жалғастыруда, деп хабарлайды Ulysmedia.kz.
Жұмысқа әлі шықпаған мұнайшылардың бір ғана талабы бар – жалақыны 50% көтеру. (Қазір олардың орташа жалақысы – 250 000 теңге).
Жұмысшылардың айтуынша, олардың қазіргі табысына отбасын асырау мүмкін емес, өйткені азық-түлік бағасы шарықтап барады.
Ереуілшілер компания басшылығы олардың талабын орындағанша жұмысқа оралмайтындарын жеткізді. Кеше олар Президент Тоқаевқа жүгініп, мәселелерін шешіп беруді өтінген.
