«Қазгидромет» синоптиктері 27 қараша, бейсенбіге арналған ауа райы болжамын жариялады, деп хабарлайды Ulysmedia.kz.
Жетісу облысы
Түнде және таңертең облыстың солтүстігінде, таулы аймақтарында тұман күтіледі. Жел оңтүстік-шығыстан соғады, шығыста екпіні секундына 17–22 метрге дейін жетеді.
Атырау облысы
Түнде және таңертең облыстың батысы мен оңтүстігінде тұман болады. Атырау қаласында да түнде және таңертең тұман күтіледі.
Павлодар облысы
Солтүстікте, батыста және шығыста жаңбыр мен қар жауады, төменгі деңгейлі боран соғып, көктайғақ болады. Жел солтүстік-батыстан, екпіні секундына 15–20 метрге дейін жетеді. Павлодар қаласында таңертең және күндіз жаңбыр мен қар күтіледі, боран мен көктайғақ болады. Жел солтүстік-батыстан, күндіз екпіні 15–20 м/с.
Түркістан облысы
Түнде облыстың оңтүстігінде, таулы аймақтарда тұман күтіледі.
Маңғыстау облысы
Солтүстікте, шығыста және орталықта тұман болады.
Қызылорда облысы
Солтүстікте және орталықта тұман күтіледі. Қызылорда қаласында кей кездері тұман болады.
Шығыс Қазақстан облысы
Күндіз солтүстікте жаңбыр мен қар жауады, боран мен көктайғақ күтіледі. Түнде және таңертең оңтүстікте, орталықта тұман болады. Жел оңтүстік-шығыстан солтүстік-батысқа ауысады, солтүстікте және шығыста екпіні 15–20 м/с, күндіз 23 м/с-қа дейін жетеді. Өскеменде күндіз жаңбыр мен қар жауады, боран мен көктайғақ болады. Жел оңтүстік-шығыстан солтүстік-батысқа ауысады, түнде екпіні 15–18 м/с.
Абай облысы
Күндіз батыста, солтүстікте және орталықта жаңбыр мен қар жауады, боран мен көктайғақ күтіледі. Түнде және таңертең шығыста, оңтүстікте тұман болады. Жел оңтүстіктен солтүстік-батысқа ауысады, батыста, солтүстікте және орталықта екпіні 15–20 м/с, кейде 25 м/с. Семейде күндіз жаңбыр мен қар жауады, боран мен көктайғақ болады. Жел оңтүстіктен солтүстік-батысқа ауысады, күндіз екпіні 15–18 м/с.
Қостанай облысы
Солтүстікте, шығыста және оңтүстікте тұман күтіледі.
Ақмола облысы
Батыста, солтүстікте және шығыста тұман болады.
Солтүстік Қазақстан облысы
Солтүстікте және шығыста аздаған жаңбыр мен қар жауады, көктайғақ пен боран күтіледі. Батыста және оңтүстікте тұман болады. Жел солтүстік-батыстан, солтүстікте, шығыста және оңтүстікте екпіні 15–20 м/с. Петропавлда жел солтүстік-батыстан, екпіні 15–20 м/с.
Батыс Қазақстан облысы
Батыста, солтүстікте және шығыста тұман күтіледі. Орал қаласында да тұман болады.
Қарағанды облысы
Түнде және таңертең солтүстікте, шығыста және оңтүстікте кей кездері тұман күтіледі.
Ұлытау облысы
Түнде және таңертең солтүстікте тұман болады.
