Бірыңғай жинақтаушы зейнетақы қоры 2026 жылы зейнетақы жинақтарын пайдалануға арналған минималды жеткіліктілік шектерін жариялады, деп хабарлайды Ulysmedia.kz.
2025 ЖЫЛҒЫ КӨРСЕТКІШТЕР
Бірыңғай жинақтаушы зейнетақы қорының дерегіне сәйкес, 2025 жылдың 1 желтоқсанына дейін шамамен 885,8 мың салымшының жинағы минималды жеткіліктілік шегінен жоғары. Ең аз көрсеткіш 20 жастағыларда – бар болғаны 113 адам, орташа жинағы 808,7 мың теңге.
Ең көп салымшылар 31–40 жас аралығында – орташа жинақ көлемі 1,16 миллион теңге. Ал 51–60 жастағыларда орташа көрсеткіш 2,29 миллион теңге, 61–62 жастағыларда – 2,9 миллион теңге, бұл ең жоғары нәтиже.
2025 жылғы шектер 2023–2024 жылдардағы деңгейде қалды: 20 жастағылар үшін – 3,26 миллион теңге, 30 жастағылар үшін – 4,58 миллион теңге, 40 жастағылар үшін – 6,1 миллион теңге.
2026 ЖЫЛҒА ЖАҢА ШЕКТЕР
Келер жылы шектер орта есеппен 10 пайызға өседі:
2026 ЖЫЛҒА БОЛЖАМ
Алдын ала есеп бойынша, 2026 жылы шамамен 849,5 мың қазақстандық жинағын шектен тыс пайдалана алады. Бұл 2025 жылмен салыстырғанда 4 пайызға аз. Бірақ орташа жинақ көлемі 7,8 пайызға өседі, себебі аз сомасы бар салымшылар есептен шығып, негізінен ірі жинақ иелері қалады.
20 жастағылар арасында мұндай мүмкіндікке ие болатындар небәрі 108 адам, орташа жинағы – 908 мың теңге. Ең көп топ – 31–40 жас аралығындағылар, шамамен 345,5 мың адам, орташа жинағы – 1,16 миллион теңге.
41–50 жастағылар – 286,5 мың адам, орташа жинағы – 1,92 миллион теңге. 51–60 жастағыларда – 2,32 миллион теңге, ал 61–62 жастағыларда – 3,54 миллион теңге, бұл ең жоғары көрсеткіш.
ҚОР ЕСКЕРТКЕН ФАКТОРЛАР
Зейнетақы жинағының көлемі салымшылардың өз әрекеттеріне байланысты: жарналарды тұрақты төлеу, қаражатты шешіп алу жиілігі, инвестициялық портфельге аудару, аннуитет сатып алу және басқа да жеке шешімдер жинақ динамикасына әсер етеді.
