Қырғызстан шетелдіктер арасында пластикалық операция жасатуға барған сайын "тартымды" елге айналып келеді, деп хабарлайды Ulysmedia.kz.
ТОЛЫҒЫРАҚ
Елдегі жетекші хирургтердің бірі Дмитрий Прокопьевтің айтуынша, жаз айларында клиникалардағы шетелдік пациенттердің үлесі 40 пайызға дейін жетуі мүмкін. Қырғызстанға ота жасатуға жақын да, алыс шетелдерден – БАӘ мен Еуропадан да келеді. Алайда негізгі ағын ТМД елдерінен, әсіресе Қазақстан мен Ресейден. Соңғы жылдары ресейліктер саны тұрақты түрде өсіп келе жатса, қазақстандықтардың үлесі аздап төмендеп отыр.
— Қырғызстан туралы әр жақтан естіп жатады. Негізінен бір-бірінен естіп келеді. Кемінде менің тәжірибемде солай. Яғни, бізде операция жасатқан адам өз таныстарына айтып береді. Мысалы, екі апта бұрын Ұлыбританиядан пациент келді. Оған да «бұл жақта бәрі жақсы» деп кеңес берген. Сонымен қатар кейбір хирургтер мен клиникалар Instagram сияқты әлеуметтік желілерді белсенді пайдаланады, сол арқылы да табады, — деді Дмитрий Прокопьев РИА Новости агенттігіне.
ҚАНДАЙ ОПЕРАЦИЯЛАР СҰРАНЫСТА?
Шетелдік пациенттер арасында ең танымал қызметтер – дене пішінін түзетуге арналған операциялар: кеуде үлкейту, босанғаннан кейін ішті қалпына келтіру, липосакция.
Сонымен қатар, бет жасарту процедуралары – тері тарту (лифтинг) мен блефаропластика (қабаққа жасалатын ота) да жоғары сұранысқа ие.
