Қазақстанға екі күндік сапармен Ресей Сыртқы істер министрі Сергей Лавров келді, деп хабарлайды Ulysmedia.kz.
НЕ ҮШІН КЕЛДІ?
Ресей СІМ-інің мәліметінше, Астанада ол Қазақстан президенті Қасым-Жомарт Тоқаевпен және Сыртқы істер министрі Ермек Көшербаевпен кездеседі.
Министрліктің хабарлауынша, келіссөздер барысында екі ел арасындағы кең ауқымды стратегиялық әріптестікті және одақтастық қатынастарды нығайту мәселелері талқыланады. Сондай-ақ алдағы жоғары деңгейдегі кездесулерге дайындыққа ерекше назар аударылады.
ПУТИННІҢ САПАРЫНА ДАЙЫНДЫҚ ПА?
Саясаттанушы Марат Шибутов Сергей Лавровтың сапарының негізгі мақсаты — Ресей президенті Владимир Путинның Қазақстанға жасалатын алдағы сапарына дайындық екенін айтады.
— Сергей Лавров Владимир Путиннің мамыр айында Қазақстанға жасайтын сапарын әзірлеп жатыр. Мұндай жағдайда сыртқы істер министрінің алдын ала келуі — қалыпты дипломатиялық тәжірибе, — дейді Шибутов RTVI-ге берген пікірінде.
Еске салайық, бұған дейін Владимир Путин мамыр айының соңында Қазақстанға келіп, Еуразиялық экономикалық одақтың (ЕАЭО) Жоғары кеңесі отырысына қатысатыны хабарланған.
