Руслан Желдібай Қазақстан Президентінің штаттан тыс кеңесшісі болып тағайындалды, деп хабарлайды Ulysmedia.kz.
Руслан Желдібай бұған дейін Мемлекет басшысының баспасөз хатшысы, Президент Әкімшілігі басшысының орынбасары – баспасөз хатшысы, Президенттің ішкі саясат және коммуникациялар мәселелері жөніндегі көмекшісі, Президент кеңесшісі – баспасөз хатшысы, кейін Президенттің көмекшісі – баспасөз хатшысы қызметтерін атқарған.
Ол 1989 жылы Жамбыл облысында дүниеге келген. Тұрар Рысқұлов атындағы Қазақ экономикалық университетін тәмамдаған. Сондай-ақ «Болашақ» халықаралық бағдарламасының түлегі, Ұлыбританиядағы Уорик университетінің магистрі.
2011-2012 жылдары – "Қазақстан" ұлттық телеарнасында редактор.
2012-2018 жылдары – "Алматы" телеарнасында бөлім басшысы, продюсер.
2018-2019 жылдары – Ақпарат және қоғамдық даму министрлігінің Ақпарат комитеті Интернет кеңістікте және әлеуметтік желілерде ақпараттық жұмыс жүргізу басқармасының басшысы.
2019-2020 жылдары – Ақпарат және қоғамдық даму министрлігінің Ақпарат комитеті төрағасының орынбасары болды.
2020 жылдан бастап Ақордадағы қызметі басталып, биылғы қаңтарға дейін Президент әкімшілігінде жұмыс істеді.
