×
448.15
483.46
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
448.15
483.46
4.86

Түркиядағы жер сілкінісі құрбандарының саны 3 мыңға жуықтады

07.02.2023, 08:43
фото: ашық дереккөзден

Түркияның оңтүстігінде болған зілзаладан қаза тапқандар саны 2921 адамға жетті. Бұл туралы Түркия Төтенше жағдайлар басқармасының басшысы Юнус Сезар мәлім етті, деп хабарлайды Ulysmedia.kz.

Басқарма басшысының сөзінше, 15 834 адам жарақат алған.

Түркия вице-президенті Фуат Октай үйінді астынан 7840 адам аман шығарылғанын айтты. Сондай-ақ  338 мың адам жатақхана, университет пен түрлі орналастыру орындарына жайғастырылған.

Еске салсақ, 6 ақпанда Түркияның оңтүстік-шығысындағы Газиантеп провинциясында 7,4 балдық жер сілкінісі болды.

Бұдан бұрын Қазақстан президенті Қасым-Жомарт Тоқаев Түркия президентіне көңіл айып, Қазақстан көмек көрсетуге дайын екенін жеткізді.

Көп ұзамай Тоқаев Ердоғанға телефон соғып, елге қазақстандық дәрігерлер мен құтқарушыларды көмекке жіберетінін, сондай-ақ бауырлас халыққа гуманитарлық көмек жөнелтілетінін айтты.

Серіктес жаңалықтары