Алматыда Shacman маркалы ауыр жүк көлігі жол апатына ұшырады. Оқиға Әуезов ауданында, Саин көшесінің Абай даңғылы жолайрығының астындағы бөлігінде болды. Жол-көлік оқиғасы бейнебақылау камераларына түсіп қалған, деп хабарлайды Ulysmedia.kz.
Мән-жай
Полицияның мәліметінше, жүк көлігі Саин көшесімен солтүстік бағытта келе жатқан. Белгілі бір сәтте жүргізуші көлікті басқара алмай қалып, бетон қоршауға қатты соғылған.
Соққының қатты болғаны соншалық, жүк көлігінің кабинасы қатты зақымданған. Абырой болғанда, жол апатынан ешкім зардап шеккен жоқ.
Оқиғаға байланысты полиция әкімшілік хаттама толтырды.
Тәртіп сақшылары жүргізушілерге жылдамдықты асырмауға, жол жағдайын мұқият бақылап, көлік тізгінінде барынша сақ болуға шақырды.
