×
448.89
487.09
4.89
#2023жылқорытынды #қаңтар қақтығысы #сайлау #Украинадағы соғыс #Палестина #жемқорлық #тағайындау
448.89
487.09
4.89

Билік ештеңе істемейді: Алматылықтар экологиялық апат туралы хабарлады

10.02.2023, 21:27
Ашық дереккөз

Алматы тұрғындары оңтүстік астанадағы экологиялық апатты мойындауды талап етіп петиция ұйымдастырды, деп хабарлайды Ulysmedia.kz.

Алматылықтар президентке, премьер-министрге, экология министріне, сондай-ақ өз әкімдеріне арыздануда.

«Біз, алматылықтар, Алматының ауасы бізді өлтіріп жатқанына, өз қалауымызбен, ақшамызбен өмір сүріп жатқан биліктің бізді қорғау үшін ешнәрсе жасамай отырғанына бұдан былай үнсіз қалғымыз келмейді”, - деп жазылған петицияда.

Өтініш берушілер Алматыда жыл сайын 100 мың тонна қоқыс ауаға тасталатынын алға тартады. Олардың айтуынша, бұлар – көлік түтіндері, көмірмен жұмыс істейтін электр стансалары мен жеке үйлердің мұржаларынан шыққан қара түтін, құрылыс алаңдарынан бөлінген цемент шаңдары.

"Ал бұл 100 000 тонна қоқыс биліктің көзіне мүлде көрінбейді, өйткені олар өздеріне тән ауаның "тазалығы" стандарттарын ойлап тапқан. Қазақстанда қабылданған ластаушы заттардың – ең жоғары рұқсат етілген концентрациясы Дүниежүзілік денсаулық сақтау ұйымы ұсынғаннан бірнеше есе жоғары. 

Қазақстандық экологтар мұндай жағдайға жол беруге болмайтынын көп жылдар бойы көтеріп келеді, бірақ билік естімегендей кейіп танытады. «Қазгидрометтің» 2023 жылғы 19 қаңтардағы есебінде «атмосферада ластаушы заттардың концентрациясының асып кетуі анықталған жоқ» делінген. Ал бұл қала улы түтіннің астында тұншығып жатыр», - деп толықтырды авторлар.

Азаматтар биліктен экологияның халықаралық нормаларын және Алматыдағы экологиялық апатты мойындауды талап етуде.

Мақала жарияланған кезде петицияны 34 508 адам қолдаған.

Серіктес жаңалықтары