«Қазгидромет» синоптиктері Қазақстанның бірнеше өңірінде ауа райы күрт құбылатынын ескертті. Ел аумағында аптап ыстық, найзағай, нөсер жаңбыр, бұршақ, екпінді жел және шаңды дауыл күтіледі, деп хабарлайды Ulysmedia.kz.
Мән-жай
Қатты аптап Алматы облысында болады. Өңірдің солтүстігі мен орталығында, сондай-ақ, Қонаев қаласында ауа температурасы 40–42 градусқа дейін көтеріледі.
Облыстың оңтүстігінде күн 35–38 градусқа дейін ысиды. Ал Алматыда кешке қарай өткінші жаңбыр жауып, найзағай ойнауы мүмкін.
Түркістан облысында ауа температурасы 40 градусқа дейін жетеді.
Аптап ыстық Атырау, Жамбыл, Жетісу, Шығыс Қазақстан, Павлодар облыстарында, сондай-ақ, Абай және Ұлытау облыстарында да сақталады. Кей жерлерде ауа температурасы 35–39 градусқа дейін көтеріледі.
Қай өңірлерде нөсер жаңбыр мен найзағай болады?
Ақмола облысында түнде де, күндіз де жаңбыр жауып, найзағай ойнайды. Кей жерлерде бұршақ жауып, дауылды жел тұрады. Желдің екпіні секундына 20 метрге дейін жетеді.
Көкшетауда да осындай ауа райы күтіледі.
Қостанай облысында синоптиктер нөсер жаңбыр, найзағай, бұршақ және дауыл болатынын болжады. Қолайсыз ауа райы Қостанай қаласында да байқалады.
Ақтөбе облысында түнде және күндіз жаңбыр жауып, найзағай ойнайды. Кей жерлерде бұршақ жауып, екпінді жел соғады.
Ақтөбе қаласында да найзағай, бұршақ және қатты жел күтіледі.
Қарағанды облысында түнде жаңбыр жауып, найзағай ойнайды. Күндіз жауын-шашын өңірдің шығысында сақталады.
Қарағанды қаласында да түнде жаңбыр жауып, найзағай ойнайды.
Шығыс Қазақстан облысында жаңбыр, найзағай, бұршақ және дауылды жел күтіледі.
Өскеменде де жауын-шашын, қатты жел және аптап ыстық болады.
Павлодар облысында жаңбыр жауып, найзағай ойнайды. Кей жерлерде нөсер жауын, бұршақ және дауылды жел күтіледі.
Өңірдің шығысында желдің екпіні секундына 25 метрге дейін күшеюі мүмкін.
Абай облысында түнде де, күндіз де жаңбыр, найзағай, бұршақ және дауылды жел болады.
Кей жерлерде жел секундына 23 метрге дейін күшейеді. Семейде де осындай ауа райы күтіледі.
Солтүстік Қазақстан облысында жаңбыр, найзағай, бұршақ, дауылды жел және таңертең тұман күтіледі.
Желдің екпіні секундына 23 метрге дейін жетуі мүмкін.
Жетісу облысының таулы аудандарында өткінші жаңбыр жауып, найзағай ойнайды.
Алматы облысының оңтүстігі мен таулы аймақтарында да жаңбыр мен найзағай күтіледі.
Қай өңірлерде шаңды дауыл болады?
Атырау облысында күндіз шаңды дауыл тұрады. Жел секундына 15–18 метрге дейін күшейеді.
Атырау қаласында да шаңды дауыл мен аптап ыстық күтіледі.
Түркістан облысының батысы мен солтүстігінде шаңды дауыл болады. Кей жерлерде жел секундына 20 метрге дейін күшейеді.
Қызылорда облысында жаңбыр, найзағай, дауылды жел және шаңды дауыл күтіледі.
Маңғыстау облысының солтүстігінде де шаңды дауыл болжанып отыр.
Өрт қаупі жоғары
Дауылды ескерту жарияланған өңірлердің басым бөлігінде өрт қаупі жоғары немесе төтенше деңгейде сақталады.
Бұл әсіресе Атырау, Түркістан, Қызылорда, Жамбыл, Алматы, Шығыс Қазақстан, Павлодар, Қарағанды, Қостанай, Ақтөбе, Батыс Қазақстан, Маңғыстау облыстарына, сондай-ақ, Абай және Ұлытау облыстарына қатысты.
