Қазақстан қор биржасында (KASE) доллардың арзандауы жалғасты. 6 тамыздағы сауда-саттық қорытындысы бойынша америкалық валютаның орташа сараланған бағамы 467,71 теңге болды, деп хабарлайды Ulysmedia.kz.
Теңге нығайып келеді
Бір күнде доллар 1,93 теңгеге арзандады. Бір күн бұрын оның бағамы 469,64 теңге болған.
Еуро да сәл төмендеп, 540,89 теңгеге түсті. Ал рубль 1,27% арзандап, 5,7475 теңге болды.
Доллар үш күн қатарынан арзандады
Америкалық валюта қатарынан үшінші сауда сессиясында арзандап отыр. 3 тамызда доллар 475,23 теңге болса, қазір оның бағамы 467,71 теңгеге дейін төмендеді.
Осы уақыт ішінде доллар 7,52 теңгеге арзандаған.
