Қазақстан құрамасы VI Дүниежүзілік көшпенділер ойындарындағы алтын медаль санын 32-ге жеткізді, деп хабарлайды Ulysmedia.kz.
Туризм және спорт министрлігінің мәліметінше, жарыстың алтыншы күнінде қазақстандық спортшылар көкпар, көкбөрі, тоғызқұмалақ, мангала және овари сайыстарында өнер көрсетті.
Тоғызқұмалақтан Қазақстан құрамасы төрт алтын және екі күміс медаль иеленді.
Мангала сайысында да қазақстандықтар сәтті өнер көрсетті. Олар екі алтын, екі күміс және бір қола жүлде жеңіп алды.
Қазақстан құрамасының қоржынында овари жарысынан да жүлде бар. Овари - Африка халықтарының дәстүрлі зияткерлік ойыны.
Көкбөріден ақтық сында Қазақстан Қырғызстан құрамасымен кездесті.
Жеңіс алаң иелеріне бұйырды, ал Қазақстан құрамасы күміс жүлдегер атанды.
