Орал әуежайында төлқұжат бақылауынан өту кезінде шетелдік ер адамның Қазақстан туралы дөрекі пікір айтқанына байланысты жанжал шықты. Бұл туралы қазақстандық Жазира Мусина мәлімдеді, деп хабарлайды Ulysmedia.kz.
Мән-жай
Жазира Мусинаның айтуынша, ер адам кезекте оның алдында тұрған және Қазақстан туралы балағат сөз аралас жағымсыз пікір айтқан.
Жазира Мусина мұны елге тіл тигізу деп қабылдап, полицияға арызданғанын жеткізді.
– Таңғы сағат бесте елімізді жұрт алдында қорлауға жол берген шетелдік ер адамға қатысты қатаң шара қолдануды сұрап, арыз жаздым, – деді ол.
Әйел видео да жариялады. Кадрда әлгі ер адам полиция қызметкерлерінің көзінше бұл сөзді айтқанын растайды.
Мусина ішкі істер органдарынан шетелдік азаматқа қатысты шара қолдануды сұрады.
Ер адамның жауапкершілікке тартылған-тартылмағаны және құқық қорғау органдары қандай шешім қабылдайтыны әзірге белгісіз.
