Жақында Ақпарат және қоғамдық даму министрлігі жариялаған «Бұқаралық ақпарат құралдары туралы» заң жобасы қазақстандық журналистер арасында үлкен резонанс тудырды. БАҚ өкілдері митинг өткізбек болды, бірақ елорда әкімдігі бас тартты, деп хабарлайды Ulysmedia.kz.
Митинг Астанадағы дәстүрлі митингтер өтетін елордалық циркте өтуі керек еді. «Құқықтық медиа орталығы» қоғамдық қоры әкімдікке хабарлама жолдап, одан кейін Жеңіс Қасымбеков бастаған қала басшылығы бұл жерде басқа да іс-шаралар немесе құрылыс-монтаж жұмыстары жүргізілетініне сендірді.
Құқықтық медиа орталығының басшысы Диана Окремова мен ұйымның заңгері Гүлмира Біржанова әкімдіктің уәждерін тексеру үшін астаналық цирк жанындағы автотұраққа барды. Белгілі болғандай, оқиға орнында құрылыс жұмыстары мен іс-шаралар болмаған.
«Бұл жерде құрылыс-монтаждау жұмыстары жүргізілмейді, ресми іс-шаралар жоқ. Біз бұл жазбаны бізге митинг өткізуге рұқсат бермегенінің дәлелі ретінде қолданамыз, бұл біздің ойымызша, мүлдем заңсыз», - деп түсіндірді Окремова.
Еске салайық, осыған дейін Диана Окремова Ulysmedia.kz тілшісіне берген сұхбатында жаңа заң жобасында не дұрыс емес екенін және БАҚ өкілдерінің пікірінше, ол әлеуметтік желілердің қарапайым қолданушылары арасында неліктен толқу тудырғанын айтқан болатын.
