Қырғызстан президенті Садыр Жапаров елдің барлық бұрынғы басшыларымен кездесу өткізді, деп хабарлайды Ulysmedia.kz.
Садыр Жапаровтың айтуынша, келіспеушіліктер салдарынан Қырғызстан үйлесімді дами алмай, «Орталық Азияның бір бұрышында» қалып отыр.
«Ұлы империялар құрып, Еуразия кеңістігіне қоныстанған ежелгі қырғыздардың бүгінгі жағдайы қандай? Біз бұрынғы империямызды бөлшектену мен билік күресінен жоғалтып жатырмыз. Ұлт болашағы үшін экс-президенттер өткеніне нүкте қойып, бір жұдырықтай жұмылу бастамасын қолдады», - деп жазды ол Facebook-те.
Қазіргі президенттің айтуынша, оның алдындағылар реніштерін айтып, кемшіліктерін мойындап, «бір-бірін кешіре білген». Жапаров елдің дамуы үшін «5-10 жылдағы жеке мүддемізді» емес, «Қырғызстанның мәңгілік мүддесін» ойлау керектігін айтты.
Кездесуге Асқар Ақаев (2005 жылғы революциядан кейін Ресей Федерациясына қашып кеткен), Құрманбек Бакиев (2010 жылғы төңкерістен кейін Беларуське қашып кеткен), Роза Отынбаева (2022 жылдан – БҰҰ-ның Ауғанстандағы миссиясының басшысы), Алмазбек Атамбаев (2022 жылдан бастап – БҰҰ миссиясының басшысы) қатысты. 2023 жылдың ақпанында үкімнің күші жойылғаннан кейін түрмеден босатылып, Испанияға емделуге ұшты) және Сооронбай Жээнбеков (2020 жылғы жаппай наразылықтар кезінде қызметінен кеткен) қатысты.
