×
449.58
486.94
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
449.58
486.94
4.86

Ертісбаев бүгінгі сайлауға «ең қызықты» деп баға берді

19.03.2023, 19:49
Фото: Ашық дереккөзден

Қазақстан халықтық партиясының төрағасы Ермұхамет Ертісбаев Парламент мәжілісі мен облыстық мәслихаттар депутаттарының кезектен тыс сайлауына қатысты, деп хабарлайды Ulysmedia.kz.

ҚКП көшбасшысы қазіргі сайлау бұрынғылардан «айтарлықтай ерекшеленетінін» айтады. Жүйе өзгергенін, мажоритарлық жүйеден аралас жүйеге көшкенін, сайлауға партия өкілдері ғана емес, өзін-өзі ұсына алатын қоғам басшылары да жіберілгенін сөз қылды. Осының барлығы қатысушыларға үлкен ынта мен жеңіске деген жігер қосқанын да атап өтті.

«Мүмкін, бұл еліміздің Тәуелсіздігінің 30 жылындағы ең қызықты, мазмұнды және нағыз бәсекеге толы сайлау болған шығар. Бұл барша халықтың жеңісі. Біз саяси ел болдық. Біз Әділ жаңа Қазақстанды қалаймыз - бұл өткен парламенттік сайлау науқанының негізгі нәтижесі», - дейді Ермұхамет Ертісбаев.

Халық партиясы төрағасы өткен сайлау науқаны Қазақстан халқының саясаттың объектісі болудан қалып, оның субъектісіне айналғанын, әр адам өзі шешім қабылдайтынын және өз елінің тағдыры үшін жауапты екенін айтады.

Еске салайық, 25 ақпанда Ертісбаев Астанадан Мәжіліс депутаттығына үміткерлердің бірі Арман Шораевпен әлеуметтік желідегі жазба үшін сотқа беретінін айтқан болатын. Ертісбаев Шораевтың «сатқын» деген сөзіне ашуланып, кешірім сұрауды талап етті. Әйтпесе Бас прокуратураға шағымданатынын айтып қорқытты.

Бұған жауап ретінде Шораев Ертісбаевтың Нұрсұлтан Назарбаевтың кеңесшісі болғанын, сонымен қатар ҚКП төрағасына Ресей президенті Владимир Путинге деген алғыс айтқанын есіне салды.

Шораев Ертісбаевқа жала жапқаны үшін кінәлі деп танылды.

Еске салайық, бұған дейін Арман Шораев Ulysmedia.kz сайтына берген сұхбатында Ертісбаевпен кикілжіңнің себептері туралы айтқан болатын.

Серіктес жаңалықтары