×
449.88
486.64
4.83
#2023жылқорытынды #қаңтар қақтығысы #сайлау #Украинадағы соғыс #Палестина #жемқорлық #тағайындау
449.88
486.64
4.83

Даниал Ахметов Риддер ЖЭО-ның жаңа иелерін де апатқа кінәлі деп айыптады

22.03.2023, 13:26
Ашық дереккөз

Бір күн бұрын Шығыс Қазақстан облысының әкімі Риддердегі жылу электр орталығында екі қазандықтан өрт шыққанын хабарлаған болатын. Даниал Ахметов стансаның жаңа иелерін технологиялық бұзушылықтар жасады деп айыптады, деп хабарлайды Ulysmedia.kz.

Ахметов өрттің салдарынан болуы мүмкін адам өлімі мен елеулі шығынның алдын алғанын айтты.

«Станцияның жаңа иелері технологиялық бұзушылықтарға жол бергенін, инженерлік бақылауды жүзеге асырмағанын айта кетейін, бұл тағы бір қиын жағдайға алып келді. Қаңтар айынан бері олар жабдықты жөндеуге немесе дебиторлық берешекті өтеуге қаржы салмады, мұның бәрі жағдайды одан сайын ушықтырады», - деді Ахметов.

Бұған дейін апаттың Риддер жылу электр орталығында болғаны хабарланған болатын. Шығыс Қазақстан облысының әкімі Даниал Ахметовтың айтуынша, температура режимі сәл төмендетілді.

Еске салайық, қаңтарда Риддердегі жылу электр орталығының иелеріне қатысты тергеу басталғаны хабарланған болатын.

Бұған дейін Риддер ЖЭО-ны жеке инвестор сатып алған.

Серіктес жаңалықтары