Молдова президенті Майя Санду заңға қол қойды, оған сәйкес бұдан былай барлық заңнамалық актілерде мемлекеттік тіл Молдова емес, румын тілі деп аталады. Бұл туралы Ulysmedia.kz хабарлайды.
«Мен румын тілі осы жерде тұратын және осы жерді жақсы көретін барлығымызды біріктіргенін қалаймын. Дүние жүзіндегі 27 миллионнан астам адаммен бірге біз Еуропалық Одақтың ресми тілдерінің бірі болып табылатын румын тілінде сөйлейміз», - деді Майя Санду.
Молдова президенті сондай-ақ ел тұрғындары румын тілінде емес, молдаван тілінде сөйлейді дегендердің «бір ғана мақсаты бар - бізді бөлу» деген пікірін білдірді.
Санду 16 наурызда Молдова тілін румын тіліне өзгерту туралы заң қабылдады. Бұл құжатты президенттік «Әрекет және ынтымақ» партиясының депутаттары қолдаса, коммунистер мен социалистер фракциясы қарсы болды.
Заң Молдова Конституциялық сотының 2013 жылғы шешімін орындау мақсатында қабылданған.
Тіл мамандары арасында молдаван тіліне қатысты әртүрлі көзқарастар бар. Көбісі «румын» және «молдаван» бір тілдің әртүрлі атаулары деп санайды, ал басқа бөлігі молдаван тілін тәуелсіз шығыс роман тілі деп атайды.
