Жаңа елдердің НАТО-ға қосылуы Ресейдің қауіпсіздігіне қол сұғушылық болып саналады. Бұл туралы Кремльдің ресми өкілі Дмитрий Песков мәлімдеді, деп хабарлайды Ulysmedia.kz тілшісі ТАСС агенттігіне сілтеме жасап.
Песков бұл оқиғаны жағдайдың тағы бір шиеленісі деп атады.
"НАТО-ның кеңеюі-бұл біздің қауіпсіздігімізге және Ресей Федерациясының ұлттық мүдделеріне қол сұғу, біз бұл туралы айттық және біз оны осылай қабылдаймыз", — деді ол.
Президенттің баспасөз хатшысы бұл жағдай Украинадан айтарлықтай ерекшеленетінін атап өтті, өйткені Финляндия "ешқашан Ресейге қарсы болған емес".
Айта кетсек, 4 сәуірде Финляндия ресми түрде НАТО-ға мүше болды. Финляндия президенті Саули Ниинистё Twitter-де Литва президенті Гитанас Науседаның құттықтауын жариялады.
Құжатқа қол қойғаннан кейін НАТО-ның бас хатшысы Йенс Столтенберг пен АҚШ-тың мемлекеттік хатшысы Энтони Блинкен ортақ мәлімдеме жасады.
Столтенберг Финляндияның НАТО-ға қосылған күні ерекше екенін атап өтті.
Айта кетейік, НАТО 1949 жылдың 4 сәуірінде құрылған. Ұйымға 31 ел ресми мүше.
